Charter Document - 05621091
| Charter Number: | 05621091 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1200 - 1205 |
| Date type: | Assigned |
| Resource Link(s): |
|
Charter:
[O]mnibus sancte ecclesie filiis tam presentibus quam futuris Ioel dictus prior de Noket et capitulum eiusdem loci salutem Notum sit vobis omnibus nos concessimus et dimittimus et hac presenti scripto confirmamus Hugoni de Merstona et heredibus suis ad tenendum de nobis in feodo et hereditate totam terram in Lincoln a regia via usque ad aquam que iacet inter terram quam tenuit Haldanus et terram Osberti Longi in parochia sancti Augustini Et ipse Hugo et heredes sui reddent nobis annuatim pro predicta terra septem solidos et sex denarios scilicet quadraginta quinque denarios ad Pascha et denarium qui ad ius regis pertinet et quadraginta quinque denarios ad festum sancti Michaelis Hanc conventionem fideliter tenendam iuravit predictus Hugo et in manu Iohel prioris affidavit sine malo ingenio Et nos warantizabimus istam terram sepe dicto Hugoni et heredibus suis sicut nobismet ipsis Hiis testibus []
Source (click image below to view full size)
