Charter Document - 05621072
| Charter Number: | 05621072 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1264 |
| Date type: | Assigned |
| Resource Link(s): |
|
Charter:
[O]mnibus Cristi fidelibus presens scriptum visuris vel audituris Thomas de Chaddewird de Calthorp salutem Noverit universitas vestra me assensu et voluntate Cristiane uxoris mee concessisse dedisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam solutam et quietam ab omni seculari servitio et terrena exactione quatuor selliones terre arabilis et duas acras et dimidiam prati in territorio de Calethorp cum corpore meo in domo de Alvingham sepulture tradendo de quibus tres simul iacent ex suth parte ville inter terram predicti conventus et divisam que est inter campos de Calethorp et de Muketona et unus sellio iacet ex eadem parte ville inter terram monialium de Lekeburn et publicam stratam que est inter campos de Calethorp et de Muketona et due acre et dimidia prati iacent in Martinholm videlicet quicquid ibi habui Et ego predictus Thomas et heredes mei warantizabimus et defendemus predictam terram et predictum pratum prefato conventui cum omnibus pertinentiis suis infra villam et extra de omnibus servitiis et sectis et de omnibus aliis rebus et demandis quocumque modo acciderint contra regem et dominos feodi et omnes alios homines inperpetuum In cuius rei testimonium huic scripto sigillum meum una cum sigillo Cristiane uxoris mee apposui Hiis testibus []
Source (click image below to view full size)
