Charter Document - 05621041
| Charter Number: | 05621041 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1175 - 1264 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Baldricus filius Osberti de Lekeburn salutem Noverit universitas vestra me assensu heredum meorum pro salute anime mee et antecessorum meorum et heredum meorum dedisse et hac carta mea confirmasse Deo et beate Marie et conventui de Alvingham in puram et perpetuam elemosinam dimidiam acram terre in territorio de Lekeburn super Kinewit stainland propinquiorem terre Odonis nepotis Thome de Lekeburn ex occidentali parte sive ad colendam sive ad fodiendam marlam inde ad terras suas sive ad faciendum inde quicquid placuit predicto conventui Et ego inveniam viam et warantizabo iam dicti conventus marlam ducentibus inde usque terras suas Dedi etiam et confirmavi prefato conventui in puram et perpetuam elemosinam pasturam centum ovibus in territorio de Lekeburn cum libero introitu et exitu Hanc autem predictam terram et pasturam dedi et confirmavi sepe dicto conventui in puram et perpetuam elemosinam liberam et quietam ab omni seculari servitio et consuetudine et exactione Et ego et heredes mei warantizabimus prenominato conventui prenominatam terram et pasturam et acquietabimus de omnibus rebus et defendemus contra omnes homines inperpetuum Preterea concessi predicto conventui et confirmavi quod ego nec heredes mei aliquid dampnum ei adquiremus nec nocumentum faciemus ei vel ovibus vel averiis suis in pasturis de Lekeburn et de Calethorp quas idem conventus habet per concessum dominorum de Lekeburn et de Calethorp fide mea interposita in manu Ranulphi sacerdotis fratris mei Hiis testibus []
Source (click image below to view full size)
