Charter Document - 05621039
| Charter Number: | 05621039 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1200 - 1264 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Iohannes filius Willelmi Lenorays de Lekeburn salutem Noveritis me concessisse et de me et de heredibus meis in puram et perpetuam elemosinam quiete clamasse Deo et beate Marie et conventui de Alvingham totum ius et clamium quod iure hereditario habui vel aliquo alio modo habere potui in quatuor sellionibus terre arabilis iacentibus in territorio de Lekeburn ad Kinewichbeneland inter terram Gilberti filii Baldrici et terram eiusdem conventus que vocatur Prestewang quas habent de dono Haraldi Lenorays avunculi mei Et ego Iohannes et heredes mei predictos quatuor selliones cum pertinentiis suis libertatibus et aisiamentis predicto conventui in puram et perpetuam elemosinam liberam et quietam ab omni seculari servitio et terrena exactione warantizabimus et defendemus de omnibus demandis calumpniis et sequelis et de omnibus rebus aliis erga dominos feodi et erga omnes homines et feminas acquietabimus inperpetuum In cuius rei testimonium pro me et heredibus meis presenti scripto inpressione sigilli mei apposui Hiis testibus []
Source (click image below to view full size)
