Charter Document - 05621023
| Charter Number: | 05621023 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1220 - 1264 |
| Date type: | Assigned |
| Resource Link(s): |
|
Charter:
[S]ciant omnes presentes et futuri quod ego Henricus filius Willelmi de Elkingtona dedi et concessi et hac presenti carta mea confirmavi in puram et perpetuam elemosinam Deo et beate Marie et priori et conventui de Alvingham unam acram terre iacentem in territorio de Thorp ex occidentali parte Lude videlicet in australi latere culture mee que vocatur Lagayre quam habui ex dono domini Alani fratris mei unde caput orientale buttat super divisam campi de Luda et caput occidentale super viam que tendit versus Elkingt illam scilicet acram que iacet propinquior sellioni quam predicti prior et conventus habent ex dono domini Alani fratris mei in qua ceperunt facere quareriam suam tenendam et habendam predictis priori et conventui vel cuicumque assignare voluerint cum omnibus pertinentiis suis libertatibus et aysiamentis ad faciendam quareriam vel quicquid eis melius inde placuerit faciendum in puram et perpetuam elemosinam liberam et quietam ab omni seculari servitio et terrena exactione sicut aliqua elemosina liberius et quietius teneri potest a viris religiosis Et ego Henricus et heredes mei predictam acram terre cum omnibus pertinentiis suis in puram et perpetuam elemosinam warantizabimus et defendemus et de omnibus rebus demandis calumpniis et sequelis erga dominos feodi et erga omnes homines et feminas acquietabimus inperpetuum Hiis testibus []
Source (click image below to view full size)
