Charter Document - 05621022
| Charter Number: | 05621022 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1220 - 1245 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Alanus filius Willelmi de Elkingtona rector ecclesie de Cunigeholm salutem in domino Noveritis me pro salute anime mee et omnium antecessorum meorum concessisse dedisse et hac presenti carta mea confirmasse Deo et beate Marie et conventui de Alvingham unam sellionem terre cum pertinentiis iacentem in territorio de Thorp iuxta Ludam ex australi parte culture mee que vocatur Legayre propinquiorem vie que tendit versus Elkintona cuius caput orientale abuttat super divisam campi Lude et caput occidentale super predictam viam tendentem versus Elkingtun illam scilicet sellionem in qua predictus conventus fecerunt quareriam suam tenendam et habendam predicto conventui cum tota terra iacente inter illam sellionem et viam tendentem versus Elkingtun et cum omnibus pertinentiis suis libertatibus et aisiamentis ad quarariam faciendam vel quicquid eis melius placuerit agendum in puram et perpetuam elemosinam liberam et quietam ab omni seculari servitio et terrena exactione Et ego Alanus et heredes mei predictam sellionem cum tota terra iacente inter illam et viam et cum aliis pertinentiis in puram et perpetuam elemosinam predicto conventui warantizabimus et de omnibus rebus acquietabimus et defendemus erga omnes homines et feminas in perpetuum Et in huius rei testimonium presens scriptum sigillo meo corroboravi Hiis testibus []
Source (click image below to view full size)
