Charter Document - 05621011
| Charter Number: | 05621011 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1250 - 1264 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Iohannes clericus filius Walteri de Stivet salutem Noveritis me pro salute anime mee et omnium antecessorum meorum et heredum dedisse concessisse et hac presenti carta mea confirmasse Deo et beate Marie et conventus de Alvingham in puram et perpetuam elemosinam novem selliones terre arabilis in territorio de Stivetona iacentes in una cultura ex occidentali parte apud Kynewick proximo inter terram domine de Stivetun et terram quam Azo prepositus aliquando tenuit et extendunt se in longitudine a Maregate de parte occidentali in transverso vie que tendit versus Lekeburn usque ad forarium quod predictus Azo prepositus aliquando tenuit versus partem orientalem cum omni longitudine et latitudine quam in se tenent plenaria et integre absque ullo retine mento cum libero introitu et exitu et cum omnibus libertatibus et aisiamentis et pertinentiis ad eandem culturam pertinentibus infra villam et extra Ego vero Iohannes et heredes mei predictam culturam cum omnibus libertatibus et aisiamentis et pertinentiis suis predicto conventui in puram et perpetuam elemosinam warantizabimus et defendemus et de omnibus erga omnes acquietabimus inperpetuum Hiis testibus []
Source (click image below to view full size)
