Charter Document - 05621006
| Charter Number: | 05621006 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1250 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Robertus Moysant de Parva Grimesby dedi concessi et presenti carta confirmavi Deo et beate Marie et conventui de Alvingham viam carris et caretis suis ubique omni tempore anni super omnes terras meas et prata mea in territorio de Parva Grimesby et alibi ubi terras vel prata habeo vel adquirere potero nisi predicte terre seminate fuerint vel prata tempore defensionis in defensione posita habendam et tenendam sibi inperpetuum in puram et perpetuam elemosinam sine aliqua contradictione vel disturbatione a me vel heredibus meis eis facienda Preterea concessi eis et presenti scripto confirmavi quod cartas et caretas suas disiungant ubicumque habuero terras vel prata et averia sua pascant in terris et pratis meis nisi terre seminate fuerint vel prata in defensione posita tempore defensionis Preterea si oves vel averia eorum venerint super terras vel prata mea aliquo tempore anni nisi terre seminate fuerint vel prata tempore defensionis in defensione posita non poterimus ego et heredes mei ipsa capere vel imprecare Hanc vero predictam viam cum omnibus aliis libertatibus prescriptis ego dictus Robertus et heredes mei warantizabimus dicto conventus de Alvingham fide mea interposita in manu domini Ade vicarii de Alvingham in puram et perpetuam elemosinam contra omnes homines inperpetuum pro dimidia marca argenti quam predictus conventus dedit mihi in magna necessitate mea Hiis testibus []
Source (click image below to view full size)
