Charter Document - 05620992
| Charter Number: | 05620992 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Final Concord |
| Date: | 1240 |
| Date type: | Internal, Feast, Regnal |
| Resource Link(s): |
|
Charter:
[H]ec est finalis concordia facta in curia domini regis apud Linc a die Pasche in tres septimanas anno regni regis Henrici filii regis Iohannis xx quarto coram Roberto de Lexint Radulfo de Sulleng Willelmo de Culewroh Iohanne de Nevill Roberto de Haya et Warnero Engayne iustitiariis itinerantibus et aliis domini regis fidelibus tunc ibi presentibus inter Willelmum de Baiocis petentem et Willelmum priorem de Alvingham tenentem de medio unius tofti et decem acrarum terre cum pertinentiis in Kedigt unde placitum fuit inter eos in eadem curia scilicet quod predictus Willelmus recognovit totam predictam terram et medium predicti tofti cum pertinentiis esse ius ipsius prioris et ecclesie sue de Alvingham habenda et tenenda eidem priori et successoribus suis et ecclesie sue predicte de predicto Willelmo et heredibus suis in liberam puram et perpetuam elemosinam et idem Willelmus et heredes sui warantizabunt predicto priori et successoribus suis et ecclesie sue predicte totam predictam terram et medium predicti tofti cum pertinentiis ut liberam puram et perpetuam elemosinam contra omnes gentes inperpetuum Et idem prior recepit predictum Willelmum et heredes suos in singulis beneficiis et orationibus que decetero fient in ecclesia sua de Alvingham inperpetuum
Source (click image below to view full size)
