Charter Document - 05620991

[O]mnibus visuris vel audituris litteras istas Stephanus filius Warini de Cotum salutem Sciatis me assensu Mariorie uxoris mee pro salute anime mee et uxoris mee et heredum meorum et pro animabus omnium antecessorum nostrorum dedisse et confirmasse in puram et perpetuam [elemosinam] Deo et beate Marie et conventui de Alvingham unam [bovata] terre cum prato et pastura et cum omnibus pertinentiis suis in territorio de Kedigtun et unum toftum cum Adam nepote uxoris mee in domo de Alvingham ad canonicum faciendum suscepto et super altare oblato illam scilicet bovata quam Galfridus pater Mariorie uxoris mee de propriis culturis suis ceperat et predicto Ade concesserat et illum toftum qui fuit Gocelini filii Ayce Huius autem bovata cultura prima est ab Holebec usque ad Munckehevedland et tres selliones culture mee que se extendunt usque ad Raveneschade et quinque selliones que se extendunt a campo Lude usque ad Holebec et totum Burgardewang et tres selliones que iacent iuxta Hou inter terram monachorum et monialium et septem selliones super Lerckehil Hec omnia dedi et presenti carta confirmavi Deo et beate Marie et predicto conventui in puram et perpetuam elemosinam Et ego et heredes mei hec omnia predicto conventui contra omnes homines inperpetuum warantizabimus Et ut hec donatio et confirmatio inperpetuum rata sit et stabilis ego et Marioria uxor mea eandem sigillorum nostrorum appositione et fidei nostre interpositione corroboravimus Hiis testibus []