Charter Document - 05620972
| Charter Number: | 05620972 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1202 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Tocha prepositus de Kedingtun dedi et concessi et hac mea carta confirmavi consensu et assensu Gileberti filii et heredis mei et aliorum filiorum meorum Deo et beate Marie et conventui de Alvingham septem selliones terre arabilis terre mee in territorio de Kedingtona scilicet unam sellionem supra Wilthewat quartam scilicet ab Holerenendefure versus orientem et unam sellionem proximam terre Iohannis Patiman venientem contra Thuerdic eiusdem Wilthewath et quatuor selliones ex septemtrionali parte del sic de Bramelthorn inter sex selliones ipsius conventus de Alvingham et quatuor selliones domus de Parco Hii sunt ex orientali parte ville et unam sellionem ex occidentali parte ville scilicet proximam illis duabus sellionibus que date sunt ad ecclesiam sancte Margarete de meo feodo in puram et perpetuam elemosinam liberam et quietam ab omni seculari servitio et exactione Preterea concessi et confirmavi eidem conventui et ecclesie sue scilicet sancte Margarete de Kedingtona totam terram que data est de feodo meo in eodem territorio eidem ecclesie Hec omnia acquietabimus ego et heredes mei predicto conventui de Alvingham de omnibus demandis pro salute animarum nostrarum et warantizabimus erga omnes homines in puram et perpetuam elemosinam et liberam et quietam de omnibus servitiis et exactionibus inperpetuum Hiis testibus []
Source (click image below to view full size)
