Charter Document - 05620953
| Charter Number: | 05620953 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1160 - 1178 |
| Date type: | Assigned |
| Resource Link(s): |
|
Charter:
[C]unctis Cristi fidelibus ad quorum notitiam presens scriptum pervenerit Rogerus de Millei salutem in domino Noverit universitas vestra me dedisse et concessisse et hac carta mea confirmavi Deo et beate Marie et conventui de Alvingham in puram et perpetuam elemosinam ecclesiam de Kedingtun cum omnibus pertinentiis et libertatibus intra villam et extra villam ad eandem ecclesiam pertinentibus Dedi etiam eidem conventui in puram et perpetuam elemosinam unam bovata terre et dimidiam in territorio predicte ville de Kedingt illam scilicet terram quam Osbertus filius Auden tenuit et totum pratum in Wilwat quod eidem terre adiacet Dedi etiam iam dicto conventui in puram et perpetuam elemosinam novem toftos in prefata villa totum scilicet illum toftum demenii mei cum virgulto quem Willelmus filius Huke tenuit excepta illa portione tofti quam Ordemerus homo meus tenuit et totum illum toftum quem Osbertus filius Auden tenuit et totum illum toftum quem Aselmus molendinarius tenuit et totum illum toftum quem Adelstanus molendinarius tenuit et totum illum toftum quem Thorstanus molendinarius tenuit et totum illum toftum qui iacet inter curtem meam et curtem Willelmi filii Godrici et totum illum toftum quem Robertus tenuit iuxta mansuram Aite ex orientali parte et totum illum toftum que Sigwardus tenuit et totum illum toftum quem Symon frater Iordani presbiteri de me tenuit Dedi insuper prescripto conventui communem pasturam omnibus suis et liberam communam non solus bobis et equis sed etiam porcis et aliis averiis suis tam ipsorum quam hominum suorum ubique plenaria in feodo meo prenominate ville Confirmavi etiam predicto conventui omnes terras quas homines mei ecclesie sancte Margarete de Kedingtun in elemosinam dederunt Hec omnia prescripta dedi et sigillo meo confirmavi prenominato conventui habenda et tenenda in puram et perpetuam elemosinam absque omni terreno servitio et exactione et consuetudine que accidere poterunt liberam et quietam intra villam et extra villam in viis et semitis in pratis et pascuis et omnibus aliis asiamentis cum liberis introibimus et exitibus et omnibus libertatibus ad predicta pertinentibus pro salute anime mee et parentum meorum et omnium fidelium Hanc vero donationem et confirmationem ego Rogerus et heredes mei warantizabimus et defendemus et acquietabimus sepe dicto conventui de omnibus rebus erga regem et dominos nostros et omnes homines inperpetuum Hiis testibus []
Source (click image below to view full size)
