Charter Document - 05620911
| Charter Number: | 05620911 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1264 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Azo filius Hamelini de Ierburg ad instantiam Nicolae sponse mee concessi dedi et presenti carta confirmavi pro salute anime mee et predicti Hamellini patris mei et Hadewyse matris mee Deo et beate Marie priori et conventui de Alvingham et ecclesie sue beate Marie duodecim denarios annui redditus perpetualiter ad terminos consuetos percipiendos de terris pratis et tenementis quas et que Nichola soror mea tenuit de me in Ierburg et Germetorp et de tota illa terra quam dedi Walteri nepoti meo in Ierburg Donavi etiam dictis religiosis totum dominium et servitium quod mihi pertinebat de totis predictis tenementis cum pertinentiis et quicquid mihi quocumque casu evenire potuissent inperpetuum ratione seu occasione dictorum dominii vel servitii vel accidere sine aliquo retene mento Et ego predictus Azo et heredes mei predictum redditum dominium et servitium predictorum tenementorum cum pertinentiis warantizabimus cum omnibus supradictis memoratis religiosis et ecclesie sue predicte in liberam puram et perpetuam elemosinam et de omnibus acquietabimus et defendemus inperpetuum In cuius rei testimonium presenti scripto sigillum meum apposui Testibus []
Source (click image below to view full size)
