Charter Document - 05620894
| Charter Number: | 05620894 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Sciant omnes tam presentes quam futuri quod ego Robertus filius Roberti le Rus de Ierdebur concessi dedi et hac presenti carta confirmavi Deo et beate Marie priori et conventui de Alvingham annuum redditum unius denarii ipsis et successoribus suis percipiendum et habendum in perpetuum ad natale domini de quibusdam tenementis que Hugo filius Willelmi de Ierdeburg et Willelmus filius Roberti de eadem et antecessores eorundem tenuerunt de me et antecessoribus meis in teritorio de Ierdebur de quibus tenementis et eorundem pertinentiis totum servitium dominium et quicquid ratione seu occasione predictorum redditus servitii et dominii mihi vel heredibus meis accidere et competere poterit in perpetuum memoratis priori et conventui una cum predicto redditu Ego prefatus Robertus et heredes mei in liberam puram et perpetuam elemosinam contra omnes homines warantizabimus et de omnibus acquietabimus et defendemus in perpetuum De supradictis vero tenementis prefatus Hugo filius Willelmi tenet unum sellionem terre arabilis ex suth parte de Heseldale inter terram eiusdem Hugonis et terram quondam Thome carpentarii et abuttat versus north super Heseldale et versus suth super terram eiusdem Thome pro quo quidem sellione idem Hugo reddet prefatis priori et conventui unum denarium annuatim ad predictum terminum inperpetuum Et prefatus Willelmus tenet quatuor selliones de tenemento predicto iacentes in Hogcroft ex east parte predicte ville inter terram quondam Roberti bercarii et terram quondam Ricardi Gikel et abbuttat versus east super terram eiusdem Ricardi Gikel et versus west super terram quondam Hamelini Goldive et Gileberti de Fulestow pro quibus quidem sellionibus idem Willelmus reddet prefatis priori et conventui unum obolum annuatim inperpetuum ad terminum predictum Et in testimonium et robur predictorum presenti scripto sigillum meum apposui et predictus Hugo similiter pro se et heredibus suis Datum apud Alvingham die sancti Walentini martyris anno domini mcclxx octavo Hiis testibus Iohanne filio Ricardi Gikel Roberto filio Ricardi Iohanne Faukes Roberto filio Simonis de Ierdeburg Thoma Dwed Ricardo Dwed Adam filio Hugonis Adam le Mercer de Alvingham
Source (click image below to view full size)
