Charter Document - 05620885

[O]mnibus Cristi fidelibus hoc scriptum visuris vel audituris prior et conventus de Alvingham et Hugo filius Willelmi de Ierburc salutem in domino Noverit universitas nostra quod cum lis mota esset coram iustitiariis domini regis apud Linc super Gottecroft in Cok lis in hunc modum conquisivit videlicet quod assisa electa super dicto Gottecroft hinc inde procurabitur quam citius de iure poterit procurari ut debitum sortietur effectum Et nos dicti prior et conventus advocabimus warantum sive tenorem cartarum nostrarum de Gottecroft et habita nobis warantizatione plenaria sive legem terre ubicumque fuerit in terra arabili vel in prato seu redditu dictus Hugo illud extentum nobis factum pro xij denariis annuis de nobis tenebit sibi et heredibus suis inperpetuum et illud extentum si ad hoc pervenerimus plene fieri et bene quatenus de iure poterit per nos fideliter procurabitur Et ego Hugo predictus pro me et heredibus meis volo et concedo quod predictum Gottecroft si contingat me illud distruo nare quoquomodo habito mihi dicto extento sicut prescriptum est predictis priori et conventui de Alvingham in libera pura remanebit elemosina inperpetuum secundum quod sibi viderint expedire Ad hec predicta omnia et singula fideliter firmiter et sine dolo tenenda et observanda corporali hinc inde prestito sacramento obligamus nos adinvicem scripto presenti sub pena quadraginta librarum parti prescripta observanti a parte renitenti solvendarum subicientes nos hinc inde iurisdictioni et cohabitationi decani de Ludesck si in foro ecclesiastico pars altera nostrum agere voluerit et iurisdictioni et cohabitationi vicecomitis Linc si in foro seculari nihilominus querela moveatur quod liceat eis vel eorum alteri nos ad solutionem dicte pene si commissa fuerit parti predicta observanti seu observare volenti faciende tam per bona mobilia quam immobilia et qualicumque voluerint compulsione de die in diem sine strepitu iudicali compellere hinc inde omni exceptioni cavillationi dilationi regie prohibitioni et omni iuris remedio canonici et civilis regis ac legis nobis in hac parte qualitercumque competenti vel com petituro In cuius rei testimonium huic scripto bipartito alternatim signa nostra apposuimus Datum die sancti Edmundi regis et martyris anno domini MCCL sexto