Charter Document - 05620884
| Charter Number: | 05620884 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1150 - 1250 |
| Date type: | Assigned |
| Resource Link(s): |
|
Charter:
[O]mnibus has litteras visuris vel audituris prior et conventus de Alvingham salutem Noveritis nos concessisse et presenti carta confirmasse Lamberto filio Hervei de Mumby et legitimis heredibus suis unum toftum in villa de Ierburc cum libero introitu et exitu illum videlicet toftum quem Willelmus filius Radulfi prepositi aliquando tenuit de nobis et iacet ex aquilonali parte vie inter viam et toftum Arnaldi Bilde tenendum et habendum illi et heredibus suis legitimis reddendo inde annuatim nobis xiiij denarios argenti ad duos terminos scilicet septem denarios ad Pascha et septem denarios ad festum sancti Michaelis Nos vero warantizabimus dicto Lamberto et heredibus suis legitimis predictum toftum quamdiu donatores nostri nobis ipsum warantizaverint Ipse vero Lambertus nec heredes sui poterunt predictum toftum vendere vel invadiare dare vel aliquo alio modo a se alienare nisi legitimis heredibus suis sine licentia et assensu nostro Teste Deo et capitulo nostro
Source (click image below to view full size)
