Charter Document - 05620872
| Charter Number: | 05620872 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 - 1250 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Willelmus Bayske de Germethorp salutem in domino Noveritis me pro salute anime mee et omnium antecessorum meorum concessisse dedisse et hac presenti carta mea confirmasse Deo et beate Marie et conventui de Alvingham duos selliones terre arabilis in territorio de Ierburc iacentes inter terram Roberti filii Nicholai et terram eiusdem conventus quorum capita occidentalia buttant super Lemaregate de Brakenberg et caput unius predicti sellionis orientale buttat super terram quam Radulfus prepositus aliquando tenuit et caput orientale alterius predicti sellionis buttat super terram Willelmi de Linc tenendos et habendos cum omnibus pertinentiis suis libertatibus et aisiamentis in puram et perpetuam elemosinam liberam et quietam ab omni seculari servitio et terrena exactione sicut aliqua elemosina liberius et quietius dari potest pro Deo viris religiosis Et ego Willelmus et heredes mei warantizabimus et defendemus predictam terram cum pertinentiis suis predicto conventui in puram et perpetuam elemosinam et de omnibus rebus acquietabimus erga omnes homines inperpetuum Et in huius rei testimonium presens scriptum sigilli mei inpressione corroboravi Hiis testibus []
Source (click image below to view full size)
