Charter Document - 05620857
| Charter Number: | 05620857 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Exchange, Grant |
| Date: | 1200 - 1264 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Robertus de Harpham consilio et assensu uxoris mee et heredum meorum concessi et dedi et hac presenti carta mea confirmavi Iohanni filio Briani de Ierburc et heredibus suis septem selliones terre arabilis in territorio de Ierburc scilicet ex est parte eiusdem ville duos selliones ex west parte de Mikelmare qui iacent inter terram Briani de Ierburc et terram Iohannis filii Gikel et abuttissant ex suth caput super forarium predicti Briani et ex west parte eiusdem ville tres selliones ad suth parte de Hassokemare inter terram Roberti filii Nicholai et terram Willelmi Norman et abuttissant ad west caput super divisam inter Ierdburc et Brakenberg et duos selliones ex sut parte predicti Hassokemare inter terram predicti Iohannis filii Briani quam tenet de feodo Roberti le Vavasur et terram Hamelini filii Ysabele et abuttissant ad west caput super predictam divisam pro quatuor solidis argenti quos idem Iohannis mihi dedit habendos et tenendos sibi et heredibus suis de me et heredibus meis libere quiete in feodo et hereditate reddendo inde annuatim mihi et heredibus meis unum denarium argenti ad natale domini pro omni servitio et exactione et consuetudine Et ego Robertus et heredes mei warantizabimus predicto Iohanni et heredibus suis predictos vij selliones terre arabilis in locis prenominatis contra omnes homines inperpetuum Hiis testibus []
Source (click image below to view full size)
