Charter Document - 05620812
| Charter Number: | 05620812 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 - 1250 |
| Date type: | Assigned |
| Resource Link(s): |
|
Charter:
[O]mnibus has litteras visuris vel audituris tam presentibus quam futuris Brianus de Ierburc salutem Noveritis me concessisse dedisse et hac presenti carta mea confirmasse Deo et beate Marie et conventui domus de Alvingham totum illud pratum quod vocatur Parcum Briani sicut fossato includitur cum emendis trium pedum extra fossatum undique in girum ad idem fossatum emendandum cum dicto conventui placuerit illud videlicet pratum quod iacet ex orientali parte ville de Germethorp inter campum de Ierburc et campum de Alvingham tenendum et habendum cum libero introitu et exitu in puram et perpetuam elemosinam liberam et quietam ab omni seculari servitio et exactione Et ego Brianus et heredes mei warantizabimus acquietabimus et defendemus de omnibus rebus demandis et calumpniis predictum pratum prefato conventui erga omnes homines mares et feminas inperpetuum pro tribus marcis argenti quas dictus conventus mihi contulit in urgentias imo negotio meo quando hec carta facta fuit Ut igitur mea donatio perpetuam optineat stabilitatem presenti scripto in robur et testimonium sigilli mei apposui inpressionem Hiis testibus []
Source (click image below to view full size)
