Charter Document - 05620795

Sciant omnes tam presentes quam futuri quod ita convenit inter Iohannem filium Roberti de Ierdeburg ex parte una et priorem et conventum de Alvingham ex altera videlicet quod predictus Iohannis concessit dedit et presenti scripto confirmavit prefatis priori et conventui et ecclesie sue beate Marie libertates subscriptas videlicet totam iustitiariam de quatuor fossatis prata de Germetorp circumdantibus scilicet de fossato de Swinesdik et de fossato de Westdik de Germetorp et de fossato de Sandewath et de fossato de Westdik de Astinfen cum toto herbagio in longum super predicta quatuor fossata et in latitudine octo pedum a fossatis predictis versus prata ad faciendum de predicto herbagio quod sibi melius viderint expedire Et insuper concessit et dedit dictis religiosis totam iustitiariam de omnibus fossatis que fieri debent et reparari in communi de Germetorp et insuper totum inparcamentum predicti ville Et insuper quod dicti religiosi libere habeant unum equum vel unam equam currentem et pascentem libere et pacifice per tota prata predicte ville ab le Maiiday usque ad festum beati Petri ad vincula tenendum et habendum dictis religiosis et eorum successoribus et ecclesie sue predicte et assignatis suis omnes predictas libertates cum omnibus suis pertinentiis libertatibus liberis consuetudinibus et asiamentis et cum omnibus incrementis et commoditatibus que occasione seu ratione aliquarum predictarum libertatium et suarum pertinentiorum aliquo modo cuiquam accidere potuerit sine aliquo retene mento in perpetuum in liberam puram et perpetuam elemosinam et in liberum escambium pro tenementis subscriptis videlicet pro tribus acris terre arabilis et una placea prati iacentibus in territorio de Ierdeburg in locis subscriptis videlicet tres selliones terre arabilis iacentes ex north parte Senemare inter terram predicti Iohannis ex suth parte et terram Ricardi filii Ricardi de Gikel ex north parte et extendunt se versus occidentem super forarium Azonis filii Hamelini et versus orientem super forarium quondam Herberti de Salfleteby Et unus sellio iacet ex north parte Brian park inter terram Iohannis Faukes ex suth parte et terram Roberti Leve ex north parte et extendit se versus orientem super forarium quondam Herberti de Salfleteby et versus occidentem super forarium Hugonis filii Willelmi Et unus sellio iacet super eosdem furlanges inter terram Thome Dwed ex north parte et terram Ricardi le Vavasur ex suth parte et extendit se versus occidentem super forarium Hugonis filii Willelmi et versus orientem super forarium quondam Herberti de Salfleteby Et una placea prati iacet in Northfen ex west parte et pratum predicti Iohannis ex est parte et extendit se versus north super cursum aque de Polton et versus suth super terram arabilem habendum et tenendum dicto Iohanni et heredibus suis de prefatis religiosis et eorum successoribus et ecclesia sua predicta libere et quiete pacifice et integre sine aliquo retene mento predictas tres acras terre et predictam placeam prati cum omnibus suis pertinentiis libertatibus et asiamentis in liberum et perpetuum escambium ita scilicet quod tam predictus Iohannes et heredes sui quam predicti religiosi omnia et singula memorata in forma supradicta hinc inde data concessa et confirmata contra omnes homines sibi invicem warantizabunt defendent et de omnibus acquietabunt et erga omnes homines et in omnibus in plenaria seysina omnium et singulorum predictorum et possessione pacifica se invicem sustentabunt et indemnes perpetualiter conservabunt et inperpetuum testimonium omnium et singulorum predictorum tam prefatus Iohannes pro se et heredibus suis quam antedicti religiosi pro se et successoribus suis presentis scripti particulas in modum cyrograffi confectis sigillorum suorum corroboraverunt inpressione Hiis testibus []