Charter Document - 05620781

[U]niversis Cristi fidelibus presentibus et futuris Alanus filius Ade filii Iordani de Germethorp salutem Noveritis me caritatis intuitu et pro salute anime mee et omnium antecessorum meorum dedisse concessisse et hac presenti carta mea confirmasse Deo et beate Marie et priori et conventui de Alvingham in puram et perpetuam elemosinam duas acras terre arabilis et tres acras prati in territorio de Germethorp iacentes in locis subscriptis scilicet unam acram terre arabilis ad Gressecrofthendes inter terras Alani filii Radulfi et buttat versus orientem super terram Thome de Waltham et unam acram ad Wrangelandes inter terram Willelmi de Iertheburc et terram Alani filii Radulfi et buttat versus orientem super aliam acram prenominatam et versus occidentem super terram Galfridi de Wagne et tres acras prati in Mikeldayle inter pratum Radulfi de Wareville et pratum meum tenenda et habenda cum omnibus pertinentiis suis libertatibus et aisiamentis in puram et perpetuam elemosinam liberam et quietam ab omni seculari servitio et terrena exactione sicut aliqua elemosina liberius et quietius dari potest pro Deo viris religiosis Et ego Alanus et heredes mei predictam terram arabilem et predictum pratum cum pertinentiis predictis priori et conventui warantizabimus et defendemus et de omnibus calumpniis sequelis demandis et de omnibus rebus erga dominum regem et dominos feodi et erga omnes homines et feminas acquietabimus inperpetuum Si autem contigerit quod predictam terram vel dictum pratum predictis priori et conventui aliquo casu contingente warantizare non poterimus faciemus eis escambium de meliori terra nostra in territorio de Germethorp absque omni contradictione ad valentiam dicte terre et prefati prati Hiis testibus []