Charter Document - 05620779

[U]niversis Cristi fidelibus presentibus et futuris Willelmus filius Walteri clerici de Germethorp salutem Noverit universitas vestra me concessisse et dedisse et hac presenti carta confirmasse in puram et perpetuam elemosinam prior et conventui de Alvingham quatuor acras prati in pratis de Germethorp quarum tres acre iacent apud Cornlandes inter pratum conventus de Kirkested ex parte occidentale et terram predicti conventus de Alvingham ex parte orientali et abuttant super le gaterum versus aquilonem et super pratum de Kirkested versus austrum et una acra iacet ad Baldrikemare inter pratum Willelmi filii Rumphari ex parte occidentali et pratum Hugonis filii Alani ex parte orientali et extendit se in longitudine a Sandwat usque ad Cornlandes tenendum et habendum dictis priori et conventui inperpetuum escambium pro duabus acris prati simul iacentibus in loco qui vocatur Waterlousdailes que buttant a prato meo del nort usque ad Sandwat et iacent inter pratum conventus de Parco Lude ex orientali parte et pratum Matildis Lutt ex parte occidentali et pro duabus acris terre arabilis iacentibus in Hegninges apud le hauedik inter terram meam et terram Willelmi filii Rumphari et tenent longitudinem a magna via usque ad croftum de Wyum Et ego Willelmus et heredes mei predictas quatuor acras prati cum omnibus suis pertinentiis pro predictis duabus acris prati et duabus acris terre arabilis mihi et heredibus meis a dicto priore et conventu inperpetuum warantizaturis et defensuris cum suis pertinentiis omnibus warantizabimus defendemus et acquietabimus inperpetuum In cuius rei testimonium nos ex utraque parte scriptis presentibus cyrographatis signa nostra apposuimus Hiis testibus []