Charter Document - 05620774
| Charter Number: | 05620774 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant, Quitclaim |
| Date: | 1200 - 1264 |
| Date type: | Assigned |
| Resource Link(s): |
|
Charter:
[O]mnibus Cristi fidelibus presens scriptum visuris vel audituris Hugo filius Reginaldi de Germethorp salutem Noveritis me dedisse concessisse et hac presenti carta mea quietum clamasse de me et de omnibus heredibus meis et successoribus inperpetuum Deo et beate Marie et conventui de Alvingham totam terram meam quam aliquando tenui de predicto conventu in villa et in territorio de Germethorpt videlicet unum toftum et croftum cum omnibus pertinentiis et asiamentis suis infra villam et extra et totum ius et clamium quod aliquando habui vel habere potero in predicto tofto et crofto cum pertinentiis suis et precipue cum illa tertia parte cum pertinentiis suis quam matertera mea tenuit tempore huius concessionis et quiete clamationis quandocumque de ea humanitus contigerit scilicet illud toftum cum crofto quod Rogerus Broclaus aliquando tenuit et iacet propinquius ex occidentali parte ecclesie eiusdem ville cum toto augmento quod Hamelinus de Germethorp decanus adquisivit tenendam et habendam sibi et successoribus suis inperpetuum libere et quiete sine aliqua reclamatione mei heredum vel successorum Et ut hec mea concessio et quieta clamatio rata et stabilis permaneat sigilli mei huic scripto apposui inpressionem Hiis testibus []
Source (click image below to view full size)
