Charter Document - 05620769

[O]mnibus sancte matris ecclesie filiis ad quos presens scriptum pervenerit Hamelinus de Germethorp filius Ricardus salutem Noverit universitas vestra me consensu et assensu heredum meorum vendidisse concessisse dedisse et hac mea presenti carta confirmasse Waltero filio Wici de Thedelthorp medietatem prati mei in territorio de Germethorp iacentem inter terram Henrici de Elkint ex parte orientali et terram meam ex parte occidentali et buttat super pratum Radulfi de Hallay ex parte boreali et super terram Hugonis Hoppescort ex parte australi habendum et tenendum et in firma pace possidendum honorifice solute et quiete ab omni seculari exactione et demanda tanquam puram et perpetuam elemosinam ecclesie beati Clementis de Germethorp illi et heredibus suis vel assignatis suis vel quibus dare voluerit et heredes facere et quandocumque voluerit in qualibet hora vite sue reddendo inde annuatim Deo et ecclesie beati Clementis de Germethorp super maius altare unum denarium ad festum sancti Clementis pro omnibus secularibus servitiis exactionibus et demandis Ego vero Hamelinus filius Ricardi et heredes mei warantizabimus medietatem prati mei predicti predicte ecclesie beati Clementis de Germethorp et predicto Waltero filio Wici de Thedelthorp et heredibus suis vel assignatis suis vel quibus dare voluerit et heredes facere et quandocumque voluerit in qualibus hora vite sue et defendemus et acquietabimus se sequelis placitorum per totum et in omnibus locis tanquam puram et perpetuam elemosinam nostram contra omnes homines et feminas Et ut hec scilicet venditio concessio donatio et carte mee presentis confirmatio rata permaneat tactis sacrosanctis fide interposita tenorem carte iuravi coram multis fideliter tenere Et in huius rei testimonium presens scriptum sigilli mei munimine roboravi Testibus []