Charter Document - 05620765
| Charter Number: | 05620765 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1200 - 1264 |
| Date type: | Assigned |
| Resource Link(s): |
|
Charter:
[H]oc cirographum testatur quod tale escambium terrarum factum est inter priorem et conventum de Alvingham et Rumpharum clericum de Germethorp videlicet quod idem Rumpharus dedit inperpetuum escambium eidem priori et conventui in liberam puram et perpetuam elemosinam septem acras terre preter unum fal in territorio de Germethorp ex orientali parte ville in Sutheging iacentes inter terras suas et buttant versus sut super Sandwat et versus nort super stratam que tendit versus mare pro tanta terra de elemosina sua iacente in Northeging inter terras Willelmi filii eiusdem Rumphari et persone ex west parte et terram suam ex est parte et buttant versus north super terram Radulfi filii Liolf et versus [sut] super predictam stratam Et predictus Rumpharus et heredes sui predictas vij acras terre preter unum fal predictis priori et conventui cum omnibus pertinentiis suis in puram et perpetuam elemosinam inperpetuum escambium warantizabunt et defendent et de omnibus erga omnes acquietabunt quamdiu dictam terram eisdem warantizaverint dicti prior et conventus Et in huius rei testimonium utraque pars presens scriptum huic inde sigillo suo munivit Hiis testibus []
Source (click image below to view full size)
