Charter Document - 05620751
| Charter Number: | 05620751 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1200 - 1264 |
| Date type: | Assigned |
| Resource Link(s): |
|
Charter:
[O]mnibus sancte matris ecclesie filiis presens scriptum visuris vel audituris Willelmus le Paumer de Germethorp salutem Noverit universitas vestra me dedisse concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam liberam et quietam ab omni servitio et terrena exactione unum salinarium in villa de Germethorp quod vulgo dicitur moldfang cum omnibus pertinentiis suis quod iacet ex parte australi holmi mei et abuttat ad caput occidentale super le moldfang predicti conventus de Alvingham et ad caput orientale super le moldfang eiusdem conventus et extendit se in longitudine versus austrum iuxta le moldfang predicti conventus Et ego predictus Willelmus et heredes mei warantizabimus et defendemus predictum salinarium cum pertinentiis de omnibus servitiis consuetudinibus et sectis predicto conventui de Alvingham et de omnibus aliis terrenis exactionibus acquietabimus inperpetuum contra regem et dominos feodi et omnes homines In cuius rei testimonium huic scripto sigillum meum apposui Hiis testibus []
Source (click image below to view full size)
