Charter Document - 05620739
| Charter Number: | 05620739 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1200 - 1264 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Iohannes filius Sywardi de Germethorp salutem Noverit universitas vestra me pro salute anime mee dedisse et concessisse et hac presenti carta mea confirmasse in puram et perpetuam elemosinam Deo et beate Marie et conventui de Alvingham unam sellionem in campis de Germethorp in orientali parte in Sutheging que iacet inter terram prefati conventus in oriente et terram Thoraldi fratris mei quam scilicet excambiavi cum predicto Thoraldo ita ut illam includant fossato si eis placuerit Preterea dedi eis in puram et perpetuam elemosinam unam acram prati in Waterlesdaile que iacet in proximo iuxta pratum conventus de Ormesby tenendas et habendas bene et in pace et quiete et tam libere sicut aliqua elemosina liberius et melius potest possideri a viris religiosis Et ego Iohannes prefatus et heredes mei warantizabimus predicto conventui prenominatam terram et pratum cum pertinentiis et defendemus eam de omnibus servitiis erga omnes homines sicut specialem elemosinam nostram inperpetuum Et ut hec mea donatio et confirmatio rata sit et stabilis inperpetuum eam sigillo meo corroboravi Hiis testibus []
Source (click image below to view full size)
