Charter Document - 05620734
| Charter Number: | 05620734 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1250 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Thoraldus filius Sewardi de Germethorp salutem Noverit universitas vestra me pro salute anime mee dedisse et concessisse et hac presenti carta mea confirmasse in puram et perpetuam elemosinam Deo et beate Marie et conventui de Alvingham decem percarum in longitudine et duarum percarum terre in latitudine infra croftum illum qui vocatur Calvecroft in capite del nort in territorio de Germethorp ad faciendum ibidem unum toftum vel quodcumque eidem conventui melius libuerit que terra scilicet abuttat super viam regiam el nort et iacet in proximo iuxta terram quam Radulfus filius Roberti le Paumer eidem conventui dedit in elemosinam et carta sua confirmavit tenendam et habendam libere et quiete bene et in pace sicut aliqua elemosina liberius et melius potest teneri a viris religiosis Et ego Thoraldus prefatus et heredes mei warantizabimus et defendemus et acquietabimus prenominatam terram cum pertinentiis prefato conventui erga dominos et omnes homines de omnibus servitiis et consuetudinibus et exactionibus et omnibus rebus que sunt vel contingere possunt sicut puram et specialem elemosinam nostram inperpetuum Hiis testibus []
Source (click image below to view full size)
