Charter Document - 05620728
| Charter Number: | 05620728 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1200 - 1250 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Coste filius Ricardi filii Baldrici de Germethorp salutem Noverit universitas vestra me pro salute anime mee et Ricardi patris mei et omnium antecessorum meorum et heredum dedisse et concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam unam percatam terre in territorio de Germethorp que iacet in Luyeholm inter terram Walteri clerici in aquilone et terram Reginaldi Horn cum omnibus pertinentiis suis ad faciendum ibi unum toftum cum edificiis vel quodcumque eis melius libuerit Preterea concessi et hac presenti carta mea confirmavi prenominato conventui de Alvingham in puram et perpetuam elemosinam totam terram quam pater meus eidem conventui dedit et carta sua confirmavit in territorio de Germethorp cum omnibus libertatibus et communis et pasturis et aliis pertinentiis suis videlicet totam terram cum salinis iacentem inter terram predicti conventus et salinum filiorum Sywardi continentem decem perticatas in latitudine et in longitudine a portu de Ludena usque ad hauedic et duas selliones in Sutheging et unum salinarium latitudine quinque percarum iuxta holmum predicti conventus in aquilone Et ego prefatus Coste et heredes mei warantizabimus prenominato conventui totam predictam terram cum pertinentiis et defendemus erga omnes homines sicut puram et specialem elemosinam nostram in perpetuam Hiis testibus []
Source (click image below to view full size)
