Charter Document - 05620719
| Charter Number: | 05620719 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 - 1264 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Willelmus filius Willelmi Bayus de Germethorp salutem Noverit universitas vestra me pro salute anime mee et omnium antecessorum meorum dedisse concessisse et hac presenti carta mea confirmasse Deo et beate Marie et priori et conventui de Alvingham in puram et perpetuam elemosinam medietatem prati mei iacentis in Neucroft in territorio de Germethorp inter pratum monachorum de Parco Lude et pratum eiusdem conventus videlicet illam medietatem que iacet propinquior prato eiusdem conventus de Alvingham cuius caput occidentale buttat super pratum Willelmi de Kima et caput orientale super pratum Hugonis filii Arnaldi tenendum et habendum libere et quiete predicto conventui cum libero introitu et exitu et cum omnibus pertinentiis suis libertatibus et aisiamentis sine ullo retene mento in puram et perpetuam elemosinam Et ego Willelmus et heredes mei warantizabimus defendemus et acquietabimus de omnibus rebus demandis et calumpniis que forte accidere poterunt in futurum predictum pratum predicto conventui contra omnes homines mares et feminas inperpetuum Et ad maiorem cautelam ne hec mea donatio in aliquo inposterum possit infirmari pro me et pro heredibus meis in manu fratris Gileberti Wag coram testibus subscriptis affidavi et insuper presens scriptum sigillo meo corroboravi Hiis testibus []
Source (click image below to view full size)
