Charter Document - 05620714
| Charter Number: | 05620714 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant, Quitclaim |
| Date: | 1217 - 1264 |
| Date type: | Assigned |
| Resource Link(s): |
|
Charter:
[O]mnibus hoc scriptum visuris vel audituris Thomas filius Roberti Maucelot de Germethorp salutem Noveritis me concessisse dedisse et hac presenti carta mea confirmasse et de me et heredibus meis quietum clamasse Deo et beate Marie et conventui de Alvingham in liberam puram et perpetuam elemosinam totam terram quam habui in Houstecroft cum fossatis circumadiacentibus et omnibus aliis pertinentiis suis in territorio de Germethorp quam terram habui de dono Thoraldi Mancelot que est de feodo predicti conventus iacentem inter terram domini de Cunigesholm ex occidentali parte et terram eiusdem conventus de Alvingham ex orientali parte et extendit se in longum versus austrum a Sandwat usque ad croftum qui fuit Radulfi de Warvile et dimidietatem unius sellionis de eodem feodo iacentis inter terram domini de Cunigesholm et terram dicti conventus de Alvingham et extendit se a predicto Austecroft usque ad viam que ducit ad saltecotes Et ego predictus Thomas et heredes mei warantizabimus predictam terram cum omnibus pertinentiis suis conventui et defendemus et de omnibus acquietabimus inperpetuum In huius rei testimonium presenti scripto sigillum meum apposui Hiis testibus []
Source (click image below to view full size)
