Charter Document - 05620713
| Charter Number: | 05620713 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1217 - 1241 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Thoraldus Mancelot de Germethorp in legitima potestate mea constitutus dedi concessi et hac presenti carta mea confirmavi Thome filio Roberti Mancelot et heredibus suis vel cui assignare voluerit et quando totam terram quam habui in Houstcroft in territorio de Germethorp iacentem scilicet inter terram Willelmi Mancelot ex occidentali parte et terram prioris et conventus de Alvingham ex orientali et extendit se in longitudine versus austrum a Sandwat usque croftum Radulfi de Warvile persone eiusdem ville et dimidietatem unius sellionis iacentis inter terram Willelmi Maucelot ex una parte qui aliam partem predicti sellionis tenet et terram prioris et conventus de Alvingham ex altera et extendit a predicto Haustcroft usque ad Kingistrete in longitudine tenendam et habendam dicto Thome Mancelot et heredibus suis vel cui assignare voluerit et quando totam terram predictam de me et heredibus meis libere quiete et hereditarie reddendo inde annuatim mihi et heredibus meis duos denarios ad duos terminos statutos scilicet ad Pascha unum denarium [et] ad festum sancti Michaelis unum denarium pro omnibus servitiis consuetudinibus demandis et omnibus predicte terre spectantibus Ego vero Thoraldus predictus Maucelot et heredes mei totam predictam terram cum omnibus pertinentiis memorato Thome et heredibus suis et cui assignare voluerit et quando pro predicto servitio duorum denariorum contra omnes warantizabimus defendemus et inperpetuum acquietabimus In huius rei testimonium presens scriptum sigilli mei inpressione corroboravi Hiis testibus []
Source (click image below to view full size)
