Charter Document - 05620704

[O]mnibus Cristi fidelibus presentibus et futuris Hugo Hoppescort de Germethorp salutem Noverit universitas vestra me concessisse dedisse et hac presenti carta confirmasse in puram et perpetuam elemosinam priori et conventui de Alvingham duas selliones terre arabilis in territorio de Germethorp iacentes in Wlfowe inter terram eiusdem conventus ex utraque parte et buttant super pratum conventus de Kirkested versus occidentem et terram eiusdem conventus de Alvingham versus orientem et duas acras prati super Haydaile simul iacentes inter pratum domini Ricardi Alizum et suis participa torribus versus orientem et pratum Alani filii Brian[i] ex parte occidentali et extendunt se in longitudine a prato dicti conventus de Alvingham usque ad gaterum tenendas et habendas eidem priori et conventui cum omnibus pertinentiis suis inperpetuum escambium pro aliis duabus sellionibus terre arabilis in Wlfowe iacentibus inter terram meam ex west parte et terram Iohannis fratris decani ex est parte et buttant super terram Radulfi Hoppescort versus sut et super pratum conventus de Alvingham versus nort et pro prato quod vocatur Brunwal quod iacet inter pratum meum ex est parte et pratum Iohannis de Waltham ex west parte et buttat versus nort super croftum Radulfi Hoppescort et super terram dicti conventus de Alvingham versus sut Et ego Hugo et heredes mei duas predictas selliones et duas acras prati pro aliis dictis duabus sellionibus et aliis dictis duabus acris prati cum suis pertinentiis a predicto conventu mihi et heredibus meis warantizaturis et defensuris warantizabimus predicto conventui et defendemus et de omnibus acquietabimus inperpetuum In cuius rei testimonium nos ex utraque parte scriptis presentibus cyrograffatis signa nostra apposuimus Hiis testibus []