Charter Document - 05620699
| Charter Number: | 05620699 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1150 - 1250 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Maria Hopescort filia et heres Roberti Hoppescort salutem Sciatis me dedisse et concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam totam terram quam habui in Hegeninges cum omnibus pertinentiis suis integre et plenaria et quandam parvulam pasturam que iacet inter pratum Hamelini decani et croftum Arnaldi et maram que iacet ad fines sellionum domus de Alvingham versus meridiem Preterea concessi et confirmavi predicto conventui quicquid Tobyas de Grimesby dedit eidem conventui cum filia sua in Germethorp et in maiori Grimesby et carta sua confirmavit et quicquid Robertus Hoppescort pater meus dedit predicte domui et confirmavit scilicet quatuor acras terre arabilis in Heenigge propinquiores terre prenominati conventus ex occidentali parte et quatuor acras prati in Waterlausdaile iacentes iuxta pratum prenominati conventus et quicquid Robertus Damisel predicte domui confirmavit in Germethorp et quicquid Emma uxor Tobye dedit prefato conventui in villa de Grimesby Has autem predictas donationes et confirmationes confirmavi sepe dicto conventui ego Maria cum omnibus pertinentiis suis infra villam et extra et cum communi pastura in puram et perpetuam elemosinam liberas et quietas ab omni seculari servitio et consuetudine et exactione Et ego predicta Maria et heredes mei warantizabimus predictas donationes et confirmationes predicto conventui et acquietabimus de omnibus rebus et defendemus contra omnes homines inperpetuum Hiis testibus []
Source (click image below to view full size)
