Charter Document - 05620670
| Charter Number: | 05620670 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1202 - 1226 |
| Date type: | Assigned |
| Resource Link(s): |
|
Charter:
[C]unctis Cristi fidelibus presens scriptum visuris vel audituris dominus Gilbertus de Cuningesholm miles salutem Noverit universitas vestra me dedisse concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam pro animabus patris mei et matris mee quandam salinam cum holmo et salinario et omnibus pertinentiis suis in Germethorp iacentem inter terram Roberti Palmerii ex north parte et cursum aque Luthena ex suth parte et buttat versus orientem super Luthena et versus occidentem super salinarium dicti conventus tenendam et habendam de me et heredibus meis dicto conventui in perpetuum plenaria et integre libere et quiete ab omni seculari servitio et terrena exactione Et ego predictus Gilbertus et heredes mei warantizabimus et defendemus predictam salinam cum omnibus pertinentiis suis ut predictum est contra omnes homines et de omnibus acquietabimus inperpetuum In cuius rei testimonium presenti scripto sigillum meum apposui Hiis testibus []
Source (click image below to view full size)
