Charter Document - 05620663
| Charter Number: | 05620663 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 - 1250 |
| Date type: | Assigned |
| Resource Link(s): |
|
Charter:
[U]niversis Cristi fidelibus presentibus et futuris Brianus de Ierburc salutem Noverit universitas vestra me pro salute anime mee et omnium antecessorum meorum dedisse concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam liberam et quietam ab omni seculari servitio et terrena exactione duos selliones terre arabilis in territorio de Germethorp iacentes inter terram Costi filii Ricardi et terram Matilde quondam uxoris Iohannis et extendunt se in longum de via que vadit de ecclesia usque ad Houedic quorum capita australia abuttant super eandem viam et capita aquilonari super terram persone Ego vero Brianus et heredes mei warantizabimus acquietabimus et defendemus de omnibus rebus demandis et calumpniis que forte accidere poterunt in futurum predictos duos selliones cum pertinentiis suis prenominato conventui erga omnes homines et feminas inperpetuum Et in huius rei perpetuum testimonium presens scriptum sigillo meo corroboravi Hiis testibus []
Source (click image below to view full size)
