Charter Document - 05620654
| Charter Number: | 05620654 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1190 - 1200 |
| Date type: | Assigned |
| Resource Link(s): |
|
Charter:
[U]niversis sancte matris ecclesie filiis Brienus de Iertheburth filius Hamelini decani salutem Quoniam ratione et consuetudine perspicuum est conventus religioni habitu et professione mancipatos animabus lucrandis et custodiendis diligentiores existere et ornatu honestatique ecclesiarum vigilantiorem curam inpare adere quam quedam private secularesque persone universitati vestre dignum duxi exprimere et hac carturali confirmatione notificare me intuitu divini amoris assensu et consilio avunculi mei Hamelini decani salvo personatu suo in vita eius accedente etiam assensu uxoris mee Custancie et heredum meorum cum auctoritate Hugo viri venerabili episcopi Lincol dedisse et hanc donationem presenti carta confirmasse Deo et beate virgini Marie et conventui de Alvingham ecclesiam sancti Clementis in Germethorp cum omnibus pertinentiis ex iure meo et heredum meorum provenientibus in puram et perpetuam elemosinam ad sustentationem eiusdem conventus et susceptionem pauperum Cristi ab eodem conventu humanitatis officio receptorum pro salute anime mee et patris mei et matris mee et uxoris mee prenominate et omnium parentum meorum Ego vero et heredes mei warantizabimus hanc donationem sicut liberam et puram elemosinam nostram Hiis testibus []
Source (click image below to view full size)
