Charter Document - 05620646

[S]ciant universi tam presentes quam futuri quod die sancte Lucie virginis anno domini mcc septuagesimo quarto ita convenit inter dominum Alanum filium Thome de Cuningesholm ex parte una et religiosos viros priorem et conventum de Alvingham ex altera videlicet quod predictus dominus Alanus concessit et omnino pro se et heredibus suis inperpetuum quietum clamavit et hoc presenti scripto confirmavit predictis priori et conventui de Alvingham et eorum successoribus totam placeam et pasturam de Nunet et totam placeam et pasturam de Yerlesdayle in Cuningesholm cum [terras suas] longitudinibus et latitudinibus et cum omnibus fossatis dictas placeas et pasturas circumquaque in terra sua includentibus habendas et tenendas predictas duas placeas cum omnibus fossatis interius et exterius in suo perpetuo separali omni tempore anni et in liberam puram et perpetuam elemosinam ad edificandum colendum et undique secuti voluerint includendum et ad omnia alia inde facienda prout melius sibi viderint expedire Et si contingat predictos religiosos per aliquem seu aliquis de tenentibus dicti domini Alani vel heredum suorum liberum vel nativum vel etiam per personam de Cun[i]ngesholm qui pro tempore fuerit calumpniari seu in placitari de predicto separali predictus dominus Alanus et heredes sui predictos religiosos omnino versus eosdem conservabit indemnes salva tantomodo via dicto domino Alano et heredibus suis et abbati de Parco Lude et omnibus aliis de villata de Cuningesholm ad carras et carettas et extraneis ambulantibus et equitantibus tantum in Nunet ab Umbaynbrig usque ad north caput de Heuedick scilicet de latitudine quatuor perticarum per perticam eiusdem ville Liceat etiam dictis priori et conventui fossatas facere ex utraque parte predicte vie si sibi viderint expedire et portas que vocantur Lidiates ad north caput de Heudick levare et habere omni tempore anni ad ingressum animalium de Cuningesholm vicandum et repellendum salva competenti via omnibus hiis quibus via ibidem debetur ad cariandam fena sua de pratis de Cuningesholm versus Umbaynbrig tempore fenationis ad caput orientale de Yerlesdayle inter daylam predicti abbatis et predictam Yerlesdayle remanentibus tamen herbagio et omnibus proficuis predicte vie prefatis religiosis inperpetuum Et sciendum est quod tam predictus Alanus et heredes sui quam predicti prior et conventus et successores sui pontem quendam levabunt ultra Emmedick et sumptibus suis equaliter sustinebunt ad suth caput predicte vie inter Yerlesdayle et Nunet tempore fenationis ad fena de pratis de Cuningesholm quibus via debetur ibidem cariandam versus Umbaynbrig ita quod liceat predictis priori et successoribus suis post fena cariata quandam partem predicti pontis levare seu tale defensum ibidem facere quod nulla animalia vel pecora predictum pontem transire possint versus Nunet Predictus vero dominus Alanus concessit dedit et presenti scripto confirmavit pro se et heredibus suis prefatis priori et conventui et eorum successoribus unum chiminum de Nunet usque ad communam viam et regiam in Cuningesholm et sic totam predictam communam viam cum tota sua latitudine versus Germwndthorp ad sua hinc et inde pro voluntate sua carianda et fuganda memoratus vero dominus Alanus et heredes sui predictas duas placeas scilicet Nunet et Yerlesdayle cum omnibus suis fossatis interius et exterius et predictam viam versus Cuningesholm cum omnimodis suis commoditatibus pertinentiis libertatibus proficuis et esiamentis prefatis priori et conventui et eorum successoribus in liberam puram et perpetuam elemosinam et in suo perpetuo separali prout superius dictum est tenentur omnes et de omnibus warantizabunt defendent et acquietabunt sepe dicti Vero prior de Alvingham et eiusdem loci conventus concesserunt dederunt et hoc presenti scripto confirmaverunt dicto Alano et heredibus suis et assignatis totam illam placeam terre et pasture iacentem in Cuningesholm ex parte orientali de le Heuedick cum tota sua longitudine et latitudine quam habuerunt ex dono Roberti filii Gilberti de Cuningesholm habendam et tenendam dicto domino Alano et heredibus suis et assignatis libere quiete et hereditarie Et predicti prior et conventus et successores sui predictam placeam integre et plenaria predicto domino Alano et heredibus suis et assignatis de omnibus et contra omnes warantizabunt defendent et acquietabunt inperpetuum Idem etiam prior et eiusdem loci conventus remiserunt et omnino pro se et successoribus suis inperpetuum quietumclamaverunt dicto domino Alano et heredibus suis et villata de Cuningesholm omnimodam communam pasture quam habent seu habuerunt aliquo tempore anni in villa et territorio de Cuningesholm die confectionis istius instrumenti exceptis pasturis et fossatis de Nunet et Yerlesdayle et salva sibi actione pasture de Ludena Nec licebit eisdem priori et conventui nec successoribus suis aliqua averia de Cuningesholm in predictis viis Nunet et Yerlesdayle per evasionem seu per defectum fossati non reparati in venta inperare nec emendas exigere set ea extra predictas placeas versus Cuningesholm per rectam viam sine conlesione animalium fugare et non aliunde In cuius rei testimonium tam predicti prior et conventus quam dictus dominus Alanus hiis scriptis cyrograffatis sigilla sua apposuerunt Hiis testibus dominis Iohanne Bek Ricardo de Harington Petro Galle Rogero Darcy militibus domino Radulfo tunc persona de Cuningesholm Haraldo avunculo suo Petro filio Roberti de Lekeburn Roberto de Sumercotes Roberto de Chadword Waltero Aung de Cuningesholm Alexandro clerico de Stoketona et aliis