Charter Document - 05620635
| Charter Number: | 05620635 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Licence |
| Date: | 1202 - 1225 |
| Date type: | Assigned |
| Resource Link(s): |
|
Charter:
[S]ciant universi Cristi fideles presentes et futuri quod ego Osbertus filius Ricardi de Tathewella concessi et licentiam dedi conventui de Alvingham ut faciant fossatum in terra sua quam habent de Gilberto filio Haraldi in territorio de Cuningesholm scilicet inter pratum meum quod vocatur Ierlesdayle et terram eiusdem conventus tam latum et amplum quantum idem conventus viderit sibi melius expedire cum tota longitudine sua videlicet a capitali cursu aque de Ludena usque ad Houedic Et licebit prefato conventui predictum fossatum semper cum opus fuerit reparare et emendare ad commodum suum sine omni inpedimento mei vel heredum meorum ita quod nec ego nec aliquis heredum meorum vel aliqui per nos in daylam prati predicti conventus que est infra predictum fossatum aliquo modo communicabimus postquam posita fuerit in defensionem Hanc autem concessionem et confirmationem predicti fossati cum suis pertinentiis ego prefatus Osbertus et heredes mei warantizabimus prefato conventui contra omnes homines inperpetuum Predictus etiam conventus inveniet mihi et heredibus meis pontem ultra predictum fossatum quo salvo possimus annuatim carriare fena nostra de Ierlesdayla cum carris et bigis tempore feni Hiis testibus []
Source (click image below to view full size)
