Charter Document - 05620604
| Charter Number: | 05620604 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1220 - 1240 |
| Date type: | Assigned |
| Resource Link(s): |
|
Charter:
[S]ciant presentes et futuri quod tale escambium prati factum est inter conventum de Alvingham et Willelmum filium Roberti de Sumercotes scilicet quod predictus conventus dimisit predicto Willelmo et heredibus suis sex decem acras prati simul iacentes ab aquilonali parte in Arlevecroft in territorio de Sumerc et croftum Arngrim in Nortfen habenda et tenenda libere quiete et pacifice reddendo inde singulis annis predicto conventui sex decem denarios ad Pentecoste pro omni servitio consuetudine et exactione Predictus vero conventus predictas sex decem acras prati et predictum croftum warantizabit prefato Willelmo et heredibus suis contra omnes homines per predictum servitium inperpetuum Et prefatus Willelmus concessit et dimisit predicto conventui tres decem acras prati simul iacentes in una cultura que vocatur Leffleddecroft in territorio de Cok et totum pratum suum in Withdeiles habens in latitudine tres perticatas cum tota longitudine de Appolgate usque ad fossatum de Grimolby habenda et tenenda libere quiete et pacifice reddendo inde singulis annis prefato Willelmo vel heredibus suis viginti denarios ad Pentecoste pro omni servitio consuetudine et exactione Predictus vero Willelmus et heredes eius predictas tres decem acras prati et predictum pratum in Wythdeiles quod iacet inter baroniam de Scoteni et pratum Rogeri le Nevill prefato conventui warantizabunt per predictum servitium viginti denariorum contra omnes homines inperpetuum Quod ut perpetuam obtineat firmitatem presens scriptum cum sigillo predictorum conventus et Willelmi utrumque corroboratum est Hiis testibus []
Source (click image below to view full size)
