Charter Document - 05620576
| Charter Number: | 05620576 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1264 - 1300 |
| Date type: | Assigned |
| Resource Link(s): |
|
Charter:
[O]mnibus Cristi fidelibus ad quos presens scriptum pervenerit Alicia que fuit quondam uxor Thome de Budesaye de Salttefletby salutem Noverit universitas vestra me in libera viduitate mea et plena potestate mea concessisse et omnino quietum clamasse Deo et beate Marie priori et conventui domus de Alvingham totum ius et clamium quod habui nomine dotis vel aliquo alio modo habere potui in quatuor selionibus terre arabilis cum omnibus pertinentiis suis in Saltfleteby que vocantur Modwynland et quas habent de dono Iohannis filii Matilde dicte Parmentar mariti Agnetis filie mee et continent in se v acras terre per perticatam sex decem pedum iacentem inter terram que fuit Roberti de Herdeby et terram Herberti dicti Galle de Saltefletby et abbuttant versus aquilonem super le Grift et versus austrum super Saltergate Et ut hec mea concessio et quieta clamatio rata sit et inconcussa permaneat presenti scripto sigillum meum apposui Hiis testibus []
Source (click image below to view full size)
