Charter Document - 05620570
| Charter Number: | 05620570 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1256 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Ydonea quondam uxor Willelmi de Elkintona salutem Noveritis me in libera viduitate et in legia potestate mea pro salute anime mee et omnium antecessorum meorum dedisse concessisse et hac presenti carta mea confirmasse Deo et beate Marie et conventui de Alvingham quatuor acras terre et dimidiam in villa de Saltefletby iacentes inter pratum abbatis de Parco Lude et pratum domine de Stivetona cuius caput occidentale abuttat super pratum magistri de Malteby et caput orientale super Apol illam scilicet terram in qua Durandus quondam serviens regis habitavit tenendas et habendas predicto conventui vel cui assignare voluerit libere et quiete pacifice et integre sine aliquo retene mento cum omnibus pertinentiis suis libertatibus et aisiamentis infra villam et extra in puram et perpetuam elemosinam liberam et quietam ab omni seculari servitio et terrena exactione sicut aliqua elemosina liberius et quietius dari potest pro Deo viris religiosis Et ego Ydonea et heredes mei warantizabimus et defendemus predictam terram cum pertinentiis predicto conventui vel cui assignaverit in puram et perpetuam elemosinam et de omnibus rebus acquietabimus erga omnes homines et feminas inperpetuum Sciendum vero quod predicta terra fuit de libero maritagio meo Hiis testibus []
Source (click image below to view full size)
