Charter Document - 05620545
| Charter Number: | 05620545 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1353 - 1354 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Alanus filius Thome de Raytheby salutem in domino Noveritis universi [quod] cum prior de Alvingham et predecessores sui usi sint commune chiminum suum a tempore quo non existit memoria cum quibuscumque animalibus suis et eorum cariagiis ultra solum dicti Alani ex orientali parte manerii dicti prioris vocati Hayntoft in Cokeryngt ut pertinens ad liberum tenementum dicti prioris in eadem villa sciatis me dictum Alanum pro me et heredibus meis dictum chiminum eidem priori et eius successoribus inperpetuum ratificasse confirmasse et affirmasse cum omnimodo animalibus suis ac cariagiis suis quibuscumque eundo et reddendo amodo inperpetuum quoquomodo et temporibus [totiens quotiens] loco predicto eis ad libitum eorum placuerit cariare fugare ire equitare cum quibuscumque animalibus et cariagiis suis absque impedimento mei vel heredum meorum seu alterius cuiuscumque In cuius rei testimonium presenti confirmationi sigillum meum apposui Datum apud Cokeringt die lune in festo sancti Mathie apostoli anno domini MCCC quinquagesimo tertio
Source (click image below to view full size)
