Charter Document - 05620542
| Charter Number: | 05620542 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Religious |
| Charter Type(s): | Release, Quitclaim |
| Date: | 1317 |
| Date type: | Assigned |
| Resource Link(s): |
|
Charter:
Omnibus ad quos presens scriptum pervenerit Beatrix priorissa de Lekeburn et eiusdem loci conventus salutem in domino Noveritis nos unanimi assensu dedisse omnino et inperpetuum pro nobis et successoribus nostris remisisse et quietum clamasse priori et conventui de Alvingham et sanctimonialibus ibidem Deo servientibus et eorum successoribus viginti solidatas redditus per annum quos nobis reddere debebant pro uno molendino aquatico tofto marisco et crofto et aliis tenementis ad dictum molendinum spectantibus in villa et teritorio de Cok quod antiquitus vocabatur molendinum de Luthena que omnia habemus ex dono et concessione Roberti filii Gilberti de Thathewelle pro Dei amore et affectione spirituali ita quod nec nos nec successores nostri nec aliquis alius nomine nostro nec per nos quicquam iuris vel clamii de cetero in dictis viginti solidis redditus per annum molendino tofto marisco et crofto seu tenemento predictis habere vel exigere poterimus vel vendicare possumus vel earum parte Et nos et successores nostri predictum molendinum toftum mariscum et croftum cum tenementum predictis eidem priori et conventui sanctimonialibus de Alvingham contra omnes homines warantizabimus inperpetuum In huius rei testimonium sigillum nostrum commune huic scripto est appensum Hiis testibus []
Source (click image below to view full size)
