Charter Document - 05620533
| Charter Number: | 05620533 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1223 - 1264 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Alicia filia Willelmi de Redburn pro salute anime mee et antecessorum meorum dedi concessi et hac presenti carta mea confirmavi et de me et de omnibus heredibus meis in perpetuum quiete clamavi Deo et beate Marie et conventui de Alvingham in puram et perpetuam elemosinam totum ius et clamium quod habui vel aliquando aliquo modo habere potui in sex acras terre arabilis quas predictus Willelmus de Redburn pater meus aliquando tenuit in territorio de Cok quas eidem conventui caritative contulit ad sustentationem hospitum in aula predicte domus de quibus quatuor acre iacent ex orientali parte ville inter terram predicti conventus et terram Ricardi filii Hamelini de Cok buttantes versus north super Nevilesick et versus suth super Nevilegate et due acre iacent ex occidentali parte eiusdem ville de quibus una acra et una perticata iacent in Houkedale inter terram Iohannis le Vavasur et terram feodi de Fristona buttantes versus orientem super terram predicti conventus et versus occidentem super foreram feodi de Aysterby et duos selliones iacent inter terram predicti conventus et terram Iohannis filii Willelmi de Cok buttantes versus suth super Redburngate et versus north super Huppewarp predicti Willelmi de Redburn tenendas et habendas de me et heredibus meis libere quiete et pacifice ab omni servitio et terrena exactione et demanda sicut aliqua elemosina liberius et quietius a viris religiosis teneri possit Et ego predicta Alicia et heredes mei predictam terram cum omnibus pertinentiis suis predicto conventui warantizabimus defendemus et de omnibus acquietabimus erga omnes inperpetuum Et ne aliqua calumpnia vel aliquid impedimentum super predicta terra possit emergere in posterum tam ego predicta Alicia quam predictus Willelmus pater meus et Sibilla mater mea ad maiorem securitatem pro nobis et heredibus nostris fidei datione nos obligavimus Et ut hec mea confirmatio et donatio et quieta clamatio rata et stabilis et inconcussa permaneat presens scriptum sigilli mei inpressione corroboravi Hiis testibus []
Source (click image below to view full size)
