Charter Document - 05620529
| Charter Number: | 05620529 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Release, Quitclaim |
| Date: | 1260 - 1261 |
| Date type: | Internal, Feast, Regnal |
| Resource Link(s): |
|
Charter:
[O]mnibus hoc scriptum visuris vel audituris Salamon filius Dyaie Iudei Linc salutem Noveritis me relaxasse et omnino pro me et heredibus et assignatis meis quietum clamasse priori et conventui de Alvingham et eorum successoribus totum ius et clamium quod umquam habui vel habere potui nomine Iudaismi in totum capitale mesuagium cum pertinentiis suis quod quidem mesuagium dicti prior et conventus emerunt de Willelmo filio Willelmi de Redburn in villa de Cok et in totam terram quam dicti prior et conventus de Alvingham habent et tenent de predicto Willelmo in villa et in territorio de Cok tali modo quod nec ego predictus Salamon nec heredes mei neque assignati mei neque aliquis ex parte nostra decetero nichil possumus exigere vel vendicare versus predictos priorem et conventum neque versus eorum successores supra predictum capitale mesuagium neque supra predictam terram in villa et in territorio de Cok occasione alicuius debiti quod predictus Willelmus de Redburn unquam mihi debuit per scriptum vel per talliam ab initio seculi usque as finem mundi In cuius rei testimonium presens scriptum littera mea Hebraica signavi Act die dominica proxima post purificationem beate Marie anno regni regis Henrici filii Iohannis quadragesimo quinto
Source (click image below to view full size)
