Charter Document - 05620528
| Charter Number: | 05620528 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1225 |
| Date type: | Assigned |
| Resource Link(s): |
|
Charter:
[U]niversis sancte matris ecclesie filiis presentibus et futuris Henricus Bec salutem Sciatis me assensu sponse mee Hauise et heredum meorum dedisse et concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam totam terram quam Gotte Wag aliquando tenuit in territorio de Cok de feodo meo infra croftum et extra cum pratis et pasturis et fossatis et cum omnibus pertinentiis suis et aisiamentis cum libero introitu et exitu liberam et quietam ab omni seculari servitio et consuetudine et exactione de qua scilicet terra predictus conventus mihi quatuor solidos pro omni servitio predicte terre pertinente annuatim solebat reddere Hanc autem donationem et confirmationem feci predicto conventui in puram et liberam et perpetuam elemosinam pro animabus patris mei et matris mee et pro salute anime mee et uxoris mee et omnium heredum meorum Et ego et heredes mei warantizabimus predicto conventui predictam terram cum omnibus pertinentiis suis et acquietabimus de omnibus rebus et defendemus adversus regem et dominos et omnes homines inperpetuum sicut puram et perpetuam elemosinam nostram Et ut hec mea donatio et confirmatio rata sit et stabilis presentem meam cartam sigillo meo corroboravi Hiis testibus []
Source (click image below to view full size)
