Charter Document - 05620517

Charter Document - 05620517


Charter Number: 05620517
Cartulary Title: An Edition of the Cartulary of Alvingham Priory
Charter Language: Latin
Charter Origin: Religious
Charter Type(s): Agreement
Date: 1150 - 1166
Date type: Assigned
Resource Link(s):

Charter:

[Robertus] Dei gratia episcopus Lincolniensis universis sancte ecclesie filiis salutem Noscat universitas vestra sub presentia et testimonio nostro subscriptam pactionem inter sanctimoniales de Alvingham et inter sanctimoniales de Lekeburn factam esse et ex utraque parte in manu nostra confirmatam videlicet quod sanctimoniales de Alvingham habebunt et tenebunt inperpetuum a sanctimonialibus de Lekeburn molendinum de Luthena quod situm est in territorio de Cok quod Robertus filius Gilleberti consilio et concessione Matilde uxoris sue et heredum suorum eis dimisit in feudi firmam tali conditione quod post discessum predicte Matilde sive ex hac vita discesserit sive habitum religionis assumpserit prefate sanctimoniales de Alvingham annuatim reddent sanctimonialibus de Lekeburn inperpetuum viginti solidos pro prefato molendino dimidium ad festum sancti Andree et dimidium ad festum sancti Botulphi Sciendum etiam quod conventus de Lekeburn warantizabit conventui de Alvingham predictum molendinum ex quo secundum predictam pactionem eiusdem molendini census ad illius potestatem redigetur Est etiam inter easdem domos per me sub anathemate confirmatum quod neutra domus aliquo modo adquiret adversus aliam unde hac pactione aliquod detrimentum pati possit Testibus []

Source (click image below to view full size)