Charter Document - 05620511
| Charter Number: | 05620511 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1200 - 1245 |
| Date type: | Assigned |
| Resource Link(s): |
|
Charter:
[O]mnibus Cristi fidelibus Willelmus le Muer filius Roberti de Sumercotes salutem in domino Noveritis me tactis sacrosanctis iurasse quod si aliquando penes me vel heredes meos inventum fuerit cyrograffum de escambio facto inter conventum de Alvingham ex una parte et me ex altera de Lefledecroft in territorio de Cok quod dedi in escambium predicto conventui pro Arnlevecroft et Argrimcroft in territorio de Sumercotes predicto conventui reddatur et nullius sit virtutis vel roboris inperpetuum quia eidem dicto conventui dedi predictum Arnlevecroft in puram et perpetuam elemosinam Obligavi etiam me et heredes meos sub eodem iuramento quod si aliquando motum fuerit placitum predicto conventui de predictis croftis ratione illius cirografi vel occasione dabimus dicto conventui nomine pene quadraginta marcas sterlingorum sine omni conditione vel cavillatione et ad hoc fideliter et sine dolo tenenda subjecit me et heredes meos iurisdictioni archidiaconi Lincol qui pro tempore fuerit ut plenam habeat potestatem nos et omnia nostra per censuram ecclesiasticam cohortandi quocumque modo voluerit ad supradicta omnia tenenda exclusa nobis regia prohibitione et omni alio remedio in omni foro Hiis testibus []
Source (click image below to view full size)
