Charter Document - 05620510
| Charter Number: | 05620510 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1202 - 1225 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Thomas de Scoteni dedi et concessi et hac mea presenti carta confirmavi Rogero de Nevill et heredibus suis vel cui assignaverit pro homagio et servitio suo tenere de me et heredibus meis in feudo et hereditate totum dominicum meum in villa de Cok et Beatricem relictam Roberti Wdecok cum tota terra sua in Cok et medietatem totius terre quam Hugo salinarius tenuit cum tofto suo in Cok cum pratis et pasturis et pertinentiis et aisyamentis suis et omnibus libertatibus scilicet ad predictas terras intra villam et extra pertinentibus et medietatem salis que pertinuit in Sumercotes ad predictum dominicum tempore Lamberti de Scoteni videlicet medietatem viginti buissellorum salis de quibus Willelmus le Muer debet tres buissellos et Robertus filius Ricardi quinque buissellos et Willelmus de Welle sex buissellos et Robertus filius Egidii iiij buissellos et relicta Roberti de marisco duos buissellos reddendo annuatim mihi et heredibus meis viginti solidos argenti scilicet decem solidos ad Pascha et decem solidos ad festum sancti Michaelis pro omni servitio seculari et exactione ad me et ad heredes meos pertinentibus faciendo tamen forinsecum servitium de terra predicte Beatricis et de terra quam prefatus Hugo tenuit Et ego et heredes mei prefato Rogero et heredibus suis vel cui assignaverit warantizabimus et defendemus de omnibus contra omnes omnes predictas terras cum pertinentiis supradictis reservatis mihi et heredibus meis homagio et servitio hominum in eadem villa de me de feodo illo libere tenentium Hiis testibus []
Source (click image below to view full size)
